夠鐘返工要準備出門口啦,放返張相先
嘿嘿......老友記,仲記唔記得佢呢???

魔動王

八十後既你,唔知有冇共嗚呢???
記得以前買左新玩具會叫D朋友仔返屋企一齊玩,然後第二日又會返學校一齊討論
而家就POST相上FB,然後一個個讚好,感覺好似有D怪怪,這麼近那麼遠咁啊

望住呢三件玩具,好似有種見返老朋友既感覺啊.....
呢套動畫第一次睇果陣讀緊幼稚園,第二次重播已經讀小學LU
仲有同D同學仔一齊畫個魔法陣,哈哈......
講返呢三件玩具先,地隱俠同水捲俠既質量都好好,可惜最尾出既風飄俠就好差啦
D關節全部都好鬆,二十年無見原來佢有關節痛(HAHA.....)

好難過的夏天

夏日炎炎,機場好似一個煉獄咁
每日都要作戰12個半鐘,真係好痛苦
好抗拒返工啊........
呢幾日仲要病左......唉

99,01,03,05,07,12

呢個幾個年份唔知大家最鍾意邊個呢?

2001

又多一隻BRITANNIA啦 (這個是PROOF)

快樂的聚會

今日參加左網友既聚會,渡過左一個好快樂既下午
討論銀幣,真係可以傾傾傾傾傾好耐.........
好開心,可以搵到一班都係鍾意收藏幣既朋友.....哈哈

臉譜銀幣(第一組)

WOW.....返到屋企,岩岩好收到
嘿嘿,我已經集齊一套了

香港的公仔紙.....

包青天,孫悟空,關羽
這三個人物的臉譜金幣太貴了,買不起啊,因為閒錢不夠多 XDDD
打開塵封多時既郵票簿,發現呢三張郵票.....WOW
原來他們都一早已經在我的收藏品當中
郵票雖然唔值錢,但都可以望梅止渴 ^^"

又來臉譜....

臉譜銀幣太靚啦,忍唔住手,結果又買多一套,第二組既銀幣係魯智森同埋單雄信,
魯智森我知邊個,花和尚啊嘛,不過單雄信係邊個呢?
佢既故事又係點既呢? 要查下先.....
收藏銀幣,可以了解到唔同地方既歷史同文化
呢個係我覺得最有趣既地方 XDDD
其實京劇臉譜呢個題材幾好架,可惜孫悟空,關羽呢D咁經典既人物係金幣
唔係銀幣,太貴了,唔捨得買,哈哈.....

法國的10歐元紀念幣

又多一件收藏品啦 ^^

京劇臉譜銀幣(第三組)

今次膽粗粗咁買左套臉譜銀幣,真係幾靚,不過就貴左少少

其他女神....

除左收藏不列顛女神銀幣之外,我仲有個女神...haha
就係美國既自由女神啦...
上年某日在YAHOO拍賣見到個銀幣年份係1881,覺得幾得意,於是就BID左,
第一次見到個摩根銀幣我仲以為個自由女神係男人來的....HAHA....
諗返轉頭,其實個銀幣係真定假我都唔識分,唔知有冇人識分呢???
另一個就係鷹揚既自由女神啦....果陣唔識咁多,行過MK商場見到就買左,$360,好貴啊
最後仲有個唔知咩女神既銀條,我覺得好靚,所以又比我收藏左啦

收到英國寄來既銀幣啦

今日收到之前EBAY拍下既不列顛女神銀幣啦
一個係1999年,不過品相好差,仲有污漬
另一個係2005年,品相非常好,仲有個奧運封套,而且仲好平,連埋郵費都係500幾HKD
但係個銀幣冇得拎上手就有D美中不足,雞肋雞肋

獨樂樂

有時搵到D靚既錢幣,好想同身邊既人分享
不過身邊既朋友都唔係太感興趣,結果開心就好似得自己一個咁
有時又行經一D賣錢幣既鋪頭,不過都係商業味重,冇咩錢幣知識心得可以分享得到
其實收藏錢幣呢個興趣,係唔係真係太過冷門,太過乏味呢?
希望開個日記,可以係網上識到D對錢幣收藏感興趣既朋友啦

風水魚銀幣

話說呢,有日我路過一個BLOG,見到呢枚銀幣WO,於是根據佢既資料,自己走左去買啦

呢個銀幣係來自NIUE呢個地方,唔知有冇人知道係邊呢???

我的BRITANNIA系列

三隻BRITANNIA....

7月27

開張大吉啊~~~